حاجة توجع
* حاجه توجع: لما تحس ان اقرب الناس اليك قاعد جنبك و مش حاسس بيك
* حاجه توجع: لما تكون دوا لكل اللي حواليك عند وجعهم و لما تتوجع انت
متبقاش عارف تحكي لمين
* حاجه توجع : لما تلتمس الاعذار لكل اللي تعرفهم و اقرب الناس اليك اول واحد
بيحاسبك لما بتغلط ولوغصب عنك
* حاجة توجع: لما تبتسم و تضحك و انت بتعيط و منهار من جوه
* حاجه توجع: لما الناس متفكرش تتصل بيك الا لما يكونوا عايزين يشتكوا بس
* حاجه توجع: لما الناس اللي بتحبهم يستغلوا طيبة قلبك و رقي مشاعرك و يرموا
عليك كل اللي هما عايزينه وهما عارفين انك فيك اللي مكفيك
* حاجه توجع: لما تيجي تفكر مرة تفضفض و تلاقي اللي قدامك وانت لسه
مخلصتش كلامك يقولك عادي امال لو تعرف انا ايه اللي بيجرالي و
يبتدي يحكي عن نفسه
* حاجه توجع : لما اللي حواليك يعاقبوك على حاجة او ظروف ليس لك فيها يد
*حاجه توجع: لما اللي يعرفك و اللي ميعرفكش ينكر عليك حتى انك تحلم
*حاجه توجع: لما تقعد وسط ناس كتير و كأنك قاعد لوحدك من كتر ما انت مش
عارف تتواصل من الحزن اللي جواك
*حاجه توجع: لما تلاقي الناس بتشكي و تحكي على تعبهم من حاجه انت نفسك لو
تعيشها بدالهم و لو حتى يوم واحد
* حاجة توجع: لما اللي بيقاسمك اكلك و شربك و المفروض يبقى سبب راحتك و
فرحتك يبقى اكتر حد بينغص عليك عيشتك
* حاجه توجع : لما اقرب الناس و اصحابك ميحسوش بألمك و الغرب هما اللي
يلاحظوا عليك
* حاجه توجع : لما تنام كل يوم ودموعك على خدك لانك كاتمها طول اليوم لان
محدش هيفهم و يقدر
*حاجه توجع: لما الناس تؤذيك ولما يطلبوا مساعدتك متقدرش ترفض و تيجي على
نفسك و حياتك لان طيبة قلبك متسمحش لك غير بكده
*حاجه توجع: لما تبقى عارف انك مهما فهمت اللي قدامك مفيش فايده مش هيقدر
*حاجه توجع: لما ربنا يديك اكتر ما تتمنى و انت برضه لسه بتعصاه
حاولوا تبصوا حواليكوا وتشوفوا نفسكم اذا كنتوا سبب في وجع حد
الى كل الموجوعين :
لا تلجأوا الا لله فهو الوحيد الذي يعلم الوجع و هو القادر على ان يشفيكم من وجعكم
25-12-2012
ليست هناك تعليقات:
إرسال تعليق