آه، لسه بحكي في اللي فات
في الذكريات
مهما قلتوا ومهما عدتوا
أنا لسه فيها كتير
باصحى وببات
بتلوموني و تقولوا غاوية حزن
مين قال اني بحكي
في لحظات الخذلان
وأوقات السكات
أو لحظة الفراق
اللي من بعدها كنت فاكرة
قلبي مات
أنا بعيش في لحظة الحب
الفريدة والسعيدة
واللي ربنا وحده أعلم
هل هتتكرر في يوم
ولا كانت فلتة من فلتات الزمان
عامة انا ذكرياتي حبيبتي
مقدرش يوم استغنى عنها
مهما قلتوا و مهما عدتوا
و إن عليا طول العمر لومتوا
ذكرياتي دي
حتة من قلبي أصيلة
في حد يقدر في يوم
من غير قلبه يبات
ليست هناك تعليقات:
إرسال تعليق