حلم
نفسي أعيش في حته هاديه
حته فاضيه
مفيهاش بشر
او فيها
بس مش يصيبوا الناس بشر
نفسي اشوف ضحكة صافية
مش تغطية على آه و هم
نفسي أصحى على عصافير تزقزق
مش زعيق و خناق و ذم
نفسي لما الصبح يطلع
ابقى مشتاق للخروج
نفسي لما الليل يليل
مخافش من اللي طالع من الشقوق
نفسي اعيش وسط ناس بتحمد ربها
مش ناس كل ثانيه بتشتكي و قالبها غم
نفسي اعيش وسط البراح
لاني من الضيق اتخنقت
نفسي قبل ما اموت مره احب الحياه
اصل خايف اوي اني اموت و في قلبي آه
نفسي اموت و البسمة على وشي تظهر
و الملايكة تزفني للجنة و ادخل
اصل رحمة ربي واسعه و عندي امل
يكون لي فيها نصيب
و احس فيها بالفرح و قلبي يطيب
و اهو كله حلم
أسماء نجم
ليست هناك تعليقات:
إرسال تعليق