الحنية مش كلام
الحنيه حب و رعاية و اهتمام
قلب بيضمك من غير كلمة تجرحك
تقدير لكل تصرف يسعدك
الحنية بحر يزيد ما بيقلش
على قد ما بتاخد بتدي و ما بتملش
الحنية دنيا جميلة مليانة رضا
قوامها تحمل و إيمان بالقضا
يا حنينين اوعاكوا في يوم تندموا
دا اللي فيكوا ياما ناس بيه بيحلموا
الحنيه رزق يا سعد مين ينوله
يكفيه و يشيل عنه هم الليل بطوله
يا رب ما ترد لي دعائي
ترزقني بحنين يعوضني بحياتي
عن اللي فات و يحلي ليا اللي جاي
دي الحنية بالدنيا
و اللي عايش فيها حي
